بت السودان
يا الكلك .. آيه
كم هدايه وكم رضايه
الدايما شعله
ودايما ..همه
ودايما ..رايه
إنتي كتاب وإنتي
ظلالا وارفه
وإنتي العارفه
انتي ..
القاعده
وانتي الواقفه
تبركي تعوسي
لكل شفعنا
حضنك دافي
تضمي تبوسي
إنتي عفاف
إنتي لطيفه
وإنتي شريفه
بت زي مسطره
علاجا قسطره
إنتي المدرسه
إصطاف بحاله
كتاب ودوابه
قلما .. جاف
إنتي الساس
وقلم .. رصاص
علبة الوان
وكمان كراس
قالو ..الناس
الجهله .. رخاص:
لو إنتي الفاس
ماتشقى الراس
او ماقالوه:
( المره كان فاس
ماتشق الراس)
معقوله ..آنااس؟؟
زوله نقيه وماخده الكاس
بهيه تقيه
مش هي الدره
وكل الألماس ؟؟
تتعب تشقى
تربي … تعلم
مره .. تقشقش
ومره ترشرش
هم البيت
في راسها معشعش
بكل حنيه
نغمة ناي
تسوي الجبنه
وبايدينها ..
تسوي الشاي
تسد .. وتكفي
اناملا فيها
تنقرش تنعش
تمر بهناك
تمر بيجاي
توانس ..
تحكي ..
وتب ما بتتعب
ما بتعرف تشكي
وتب ..مابتبكي
تعالج … تشفي
دايما تدفي ..
تعالج ..تشفي
شوفها بتوبها
كيف مهيوبه
رقيقه .. وزينه
سمحه رزينه
قول ياحرفي
آنطق .. اكتب
عن تاريخها
وعن أمجادها
وعن .. ماضيها
زمان في حينها
وعن تاثيرها
الظاهر ..فينا
رقيقه حتينه
إلهي ياربي
دايما تبقى
العاليه الساريه
وآاهدافك
تببي مباريه
حركه دؤوبه
ماشيه وجايه
وتحكي حكايه
ام …واخت
بت .. عطايه
كمان ..رضايه
إنتي المحبوبه
خاله وعمه .. كمان حبوبه
بت السودان
يالكلك .. آيه
وكلك ..غايه
ما انتي ..
الشايله شعله ورايه
…..
