ياسر فانوس – حالات فراق

المجاهرة بالفراق

اسواء حالات النزيف

النسيمات يوم توادعك

كيف تقاوم الكتمة كيف

وكيف بنحيا بلاكا تاني

وليه بترمي علينا صيف

القلب زي جاتو لوعة

والوتين ناقل ضعيف

غايتو في الحالتين هي ورطة

وبي وراك الدنيا زيف

نحن بنراقب وصولك

وقالو دربك زي مخيف

الفراق في ذاتو حسرة

وانشدة في الضو كفيف

حقبة بتسل روح طموحك

وفوق آمانيك راح تضيف

تشتهيك الحلة كاملة

تشتهي النبض الشفيف

ليكا فارشين العواطف

راجين رجوعك ياظريف

نقالدك بالتي(اشوق)

وبنحسك علينا لطيف

ضحكة بتساوم رتابة

نيمة شارة الضل وريف

نسمة ماقدرت تشاورك

لي كتمة في موسم خريف

انتبة للريح دي واقفة

غيمة تتمغي وتقيف

وردة استنت عشانك

موجة هيمان فيها قيف

وَمما لامست المشاعر

الجرح أصبح طفيف

و نحن نستاهل إيابك

نتلاقى في الدم الخفيف