عشان كل العيون عينيك
بشيلك زاد عمر فاني
واتوه في سكتك ترحال
مدام اصبحت الحاني
مساحات الفرح جواك
عيون بالوحشه فاضحاني
بعيد ومعاي ولف منساب
نسايم ريده لافحاني
دحين امنتك الاشواق
واهديتك هواي منديل
وزول بي طبعو مشتاق ليك
امل شكل ملامح جيل
بناديك والسهاد حالو
وليك كيف القلب مايميل
سجين قلبي البينده ليك
واريتك عارفو صبري قليل
وعدتك يستريح الطل علي طيفك
واهديك الاماني وشاح
وعدتك اني ابقالك تمام كيفك
واجيك عز الوجع افراح
وعدتك اني اهدي الامنيات طيفك
ويشيلوك الصغار الواح
عشان كل العيون عينيك
اغنيك والعشق صداح
