المطارات ……
خط مسارات
عينا مكسورة و حزينة
حيلا خطوات
روحا للمرقة بتاشر
و لسة بتدندن انينا
ايدا ملوية و تلوح
للسنين اللسة جايات
لونا ما معروف هو كيفن
تبدو قاحلة و بت لزينة
المطارات ……..
كوم وجع
و هموم تفتتتتر
الا باكر في عيونا
جميل و زييييينة
المطارات …….
خوف مدسدس
هسي في حبر التزاكر
و بكرة في زحمة منافي
و افتقاد لي روح
تقاسمك حتى روحك
غير وجودا هو انت مافي
بدون تنادي
عينيك تنادي
للمراكب و للمرافي
كل ما الليل ليك ينادي
تندفق في توبو اشواق
و اشتهاء و غنوات تعافي
ياااااا مطارات
حضن بديك
و ما بسرقك يبقى دافي
المطارات ………
صيف مشاعر
و فيض مواسم غربة واعدة
بس رحيبة …
تدي روحك بكرة اخضر
فرحو انضر الا لحظاتك كئييبة
المطارات …….
اشتياااااق لي عيون حبيبة
كان زقاق الحي
بتاوق لي مواعيدا
التشحتف و يتملي اشواق
لما يدلل سبيبا
يااااا سماحة الليل معاها
ياااا وجع ليل ما احتواها
المطارات صاخب ايقاعا و مشاتر
و حالا اكبر من مصيبة
