رحال على دربًا بعيد
درب الخشوع
مليان ورع
أنا بس هناك
لافح السكون
عايش سعيد
ماسك عدد
بتلو في وِرد
رحال
وايديهو في سماءك
يا الله يا واحدًا صمد
أسعدنا يا رب يا كريم
زيل الكرب
وأكرم علينا بمعجزات
تعجز على فعل البشر
من السحر
من قطع أوصال الرحم
من عين حسد
او حتى من حقدًا كمد
رحال
في رحلة ملانة طار
جواهو جوهر نور مريد
شايفك سعيد
وأنا بس هناك
ناداني صوت
يا زول كفاك
أنزل خلاص
بطل تكذب للخلق
عايش براك
عالمك ثبات
مكنون سكات
يا زول سلام
سيب الكلام
رحال
وجواي مافي قول
جواي مدد
جواي عدد
وأنا في الغريق
ماخداني دقات الذكر
تضرب على قلبي الودر
تضرب على روح السدر
سدرة صلاح
لبكرة لي يوم الصباح
يصبح فرح مالي المكان.
