الروشتة الانسانة الدكتورة الصيدلانية….كبسولة السعادة في زمان شح فيه الفرح
انت لي دنياي وصفة
ولي مزاج احزاني غيمة
لو سماي تفور وتصفا
انت حسن الدنيا كلو
انت ما العسل المصفا
وقبل ما ناخد علاجك
لو نشوفك نحنا نشفا
الخدار الفي خدودك
يوم تقالد الموجة ضفا
وزي عصافير فوق غصونا
مافي تب بيناتنا كلفا
نحنا حبنا ليكي صادق
ومستحيل ننساك ونجفا
واصلو الله خلقني ليكي
وجوة قلبك القي منفا
ويبسم الكون بيكي اسعد
والفرح يفتح لي ضلفا .
ونبني عشنا في خميلة
واهدي عمري انا ليكي سلفا
