الوطن شايل ملامحك والثبات الفيك حقيقة
وفي عيونك ألف كلمة وكلمة كلمة يشع بريقا
مابتصف حبك مشاعر ولا الدروب الشوق بعيقا
يـلا يالخرطـوم نـغـني زي درويـش الطــريقـــة
كيف اسيبك هسه وارحل وامشي لي بلدا سواك
ونحنا من ماقمنا عايشين في رحابك وفي ضراك
اسألـو امـدرمان بتشهـد نحنا يا امـدرمان فـداك
تبري يابحـري الحنيـنه ويتـكفي الشـر بي قفـاك
والضحكة لي سودانا ترجع وترجع الافراح معاك
ما أشوفك عـازه باكيه عـازه قـشي دمـوع بـكاك
عازه دائما عندي غالية عازه قومي خلاص كفاك
