زعلك ما بندورو
وكيف تزعل زهيرة
يا بهجة حياتنا
ويازخة مطيرة
بينا الخوة عامري
والاشواق وفيرة
والكون غير عيونك
رماضة وهجيرة
واليوم غير نشوفك
الساعات مريرة
ياعطر الاماسي
ويا ربطة حريرة
ياوردة ضفافنا
انفاسا وعبيرة
كيفن اطفي شوقي
واخاف تجرحني غيرة
وانا زول جد بحبك
وغيرك مافي سيرة
بس خايف ظروفك
تملا حياتي حيرة
لمتين القي عشي
فوق اغصان نضيرة
وتبقي حياتي عندك
سيرة علي الدميرة
والكون كلو يفرح
ويكشح للضريرة
